Azərbaycan 4 ölkədən elektrik ütü tədarük etməyə başlayıb

Ötən ilin ilk 11 ayında Azərbaycana 6,43 milyon ABŞ dolları dəyərində 319 min 214 ədəd elektrik ütü idxal edilib.

“Report”un Dövlət Statistika Komitəsinin məlumatları əsasında apardığı hesablamalara əsasən, bu, 2022-ci ilin eyni dövrünün göstəricisindən dəyər ifadəsində 67 %, kəmiyyət olaraq – 55 % çoxdur.

Hesabat dövründə Azərbaycan Çindən 3,38 milyon ABŞ dolları dəyərində (bir il əvvəlki göstəricidən 37 % çoxdur) 264 min ədəd (+47 %), Fransadan 2,3 milyon ABŞ dolları dəyərində (+3,4 dəfə) 35 min 353 ədəd (+3,4 dəfə), İndoneziyadan 313 min ABŞ dolları dəyərində (+1 %) 4 min 884 ədəd (+26 %), Misirdən 265 min ABŞ dolları dəyərində (+3,5 dəfə) 7 min 902 ədəd (+2,5 dəfə), Türkiyədən 117 min ABŞ dolları dəyərində (+56 %) 1 min 647 ədəd (-39 %) ütü alıb.

Ötən il son 12 ildə (qeyd: xarici ticarət üzrə açıq istifadədə olan rəsmi statistika 2011-ci ilə kimidir) ilk dəfə olaraq Avstriyadan (0,07 min ABŞ dolları dəyərində 2 ədəd), Bosniya və Herseqovinadan (0,39 min ABŞ dolları dəyərində 36 ədəd), Hindistandan (9,64 min ABŞ dolları dəyərində 318 ədəd), İsveçrədən (0,41 min ABŞ dolları dəyərində 29 ədəd) tədarük həyata keçirilib.