Avropa İttifaqı Gürcüstana 60 milyon avro qrant ayırıb

Avropa İttifaqı (Aİ) koronavirus (COVID-19) pandemiyasının Gürcüstanda yaratdığı böhranın aradan qaldırılması üçün bu ölkəyə 60 milyon avro qrant ayırıb.

“Report”un yerli bürosu xəbər verir ki, bu barədə qurumun Gürcüstandakı nümayəndəliyindən bildirilib.

Bu, ümumi məbləği 75 milyon avro olan qrant üzrə I tranşdır və məqsəd böhran əleyhinə iqtisadi planın reallaşdırılmasına kömək etməkdir. Plana pandemiyanın səbəb olduğu mənfi nəticələrin azaldılması, iş yerlərinin saxlanılması, biznesin dəstəklənməsi və səhiyyə sisteminin gücləndirilməsi daxildir.