Aqrar Sığorta Fondunun ödənişləri 10 milyon manatı ötüb

Bu günə qədər Aqrar Sığorta Fondu həm bitkiçilik, həm də heyvandarlıq sığortası üzrə 10 milyon manatdan çox sığorta ödənişi verib.

"Report" xəbər verir ki, bunu Fondun İdarə Heyəti sədrinin müavini Ləman Alıyeva-Məmişova bildirib.

"Fermerlərə 10,8 milyon manat sığorta ödənişi edilib. Bunun 2,4 milyon manatı 2022-ci ildə, 4,4 milyon manatı 2023-cü ildə, 4 milyon manatı isə 2024-cü ilin ötən dövründə həyata keçirilib", - deyə o qeyd edib.