Antalyadan Azərbaycana məhsul ixracı 10 % azalıb

Bu ilin yanvar-may aylarında Türkiyənin Antalya şəhərindən Azərbaycana 14 milyon 421 min ABŞ dolları dəyərində məhsul ixrac olunub.

“Report” Türkiyə İxracatçılar Məclisinə istinadən xəbər verir ki, bu, 2022-ci ilin müvafiq dövrünə nisbətən 10,3 % azdır.

Həmçinin cari ilin mayında Antalyadan Azərbaycana 3 milyon 350 min ABŞ dolları dəyərində məhsul gətirilib ki, bu da keçən ilin analoji dövrü ilə müqayisədə 2,8 % çoxdur.