Azərbaycan-Rumıniya Hökumətlərarası Komissiyasının iclası təxirə salınıb

Bakı. 16 iyul. REPORT.AZ/ Azərbaycan-Rumıniya Hökumətlərarası Komissiyasının iclası təxirə salınıb.

"Report" diplomatik mənbələrə istinadən xəbər verir ki, iclasın payızda keçirilməsi nəzərdə tutulur.

"İclas üçün yeni tarix müəyyənləşməyib, çox güman ki, payızın sonlarında keçiriləcək", - mənbə bildirib.

Xatırladaq ki, Hökumətlərarası Komissiyanın iclası iyulun ortalarında Buxarestdə keçirilməli idi.

İclasda Azərbaycan-Rumıniya əməkdaşlığının möhkəmləndirilməsi, eləcə də rəsmi Buxarestlə Bakı arasında birbaşa aviareyslərin açılması ilə bağlı məsələlərin müzakirəsi planlaşdırılmışdı.