Amerikalı caz ifaçısı Azərbaycanda bir sıra konsertlər verəcək

Bakı. 13 aprel. REPORT.AZ/ ABŞ və Azərbaycan arasında diplomatik əlaqələrin yaradılmasının 25 illiyi münasibətilə məşhur amerikalı caz vokalisti Qabriella Stravelli və onun qrupu Azərbaycanda bir sıra konsertlər verəcək.

"Report" xəbər verir ki, aprelin 12-də Beynəlxalq Muğam Mərkəzində amerikalı vokalist və azərbaycanlı müğənni Sevda Ələkbərzadənin konserti olub. Konsertdə iştirak edənlər onların ifasında bir sıra caz ifalarını dinləyib.

Bundan əlavə, Q.Stravelli aprelin 13-də Xaçmazda, 14-də Salyanda, 15-də Kürdəmirdə, 16-da isə Gəncədə konsertlər verəcək.