"İnter" "Kalyari"ni məğlub edərək liderliyə yüksəlib

2 Sentyabr , 2019 06:57

"İnter" futöol üzrə İtaliya çempionatının II turunda "Kalyari"ni məğlub edib.

“Report” xəbər verir ki, Kalyarinin "Sardiniya Arena" stadionunda keçən görüş 2:1 hesabı ilə qonaqların xeyrinə başa çatıb.

Qonaqlar 27-ci dəqiqədə hesabda irəli çıxıblar. Matçın 50-ci dəqiqəsində Joao Pedro tarazlığı bərpa edib. Lakin 72-ci dəqiqədə Romelu Lukaku 11 metrlik cərimə zərbəsini dəqiq yerinə yetirib.

Bu qələbə sayəsində xallarının sayını 6-ya çatdıran "İnter" A Seriyasının turnir cədvəlində liderliyə yüksəlib. Milan komandası yalnız vurulan və buraxılan qolların fərqinə görə "Yuventus" və "Torino"nu qabaqlayır.

Bazar günü oynanılan digər oyunların nəticələri

İtaliya A Seriyası. II tur

"Kalyari" - "İnter M" - 1:2

Qollar: 0:1 Martines – 27', 1:1 Pedro – 50', 1:2 Lukaku – 72' (pen)

"Udineze" - "Parma" - 1:3

Qollar: 1:0 Lasanya – 17', 1:1 Jervinyo – 43', 1:2 Qalyolo – 59', 1:3 İnqleze – 75'

"Atalanta" - "Torino" - 2:3

Qollar: 0:1 Bonifatsi – 24', 1:1 Sapata – 38', 2:1 Sapata – 54', 2:2 Berenqer – 57', 2:3 İsso – 66'

"Sassuolo" - "Sampdoriya" - 4:1

Qollar: 1:0 Berardi – 29', 2:0 Berardi – 36', 3:0 Berardi – 43', 4:0 Traore – 47', 4:1 Kvalyarella – 67' (pen)

"Cenoa" - "Fiorentina" - 2:1

Qollar: 1:0 Sapata – 11', 2:0 Kuame – 65', 2:1 Pulqar – 76' (pen)