Ukrayna prezidenti: "Ölkəmiz TANAP-dan yararlanmaq üçün addımlar atacaq"

Ukrayna prezidenti: "Ölkəmiz TANAP-dan yararlanmaq üçün addımlar atacaq" Bakı. 12 iyun. REPORT.AZ/ Trans Anadolu Təbii Qaz Boru Kəməri (TANAP) layihəsinin işə düşməsi Azərbaycan, Türkiyə, Avropa İttifaqı ölkələri və Ukrayna üçün vacib bir məqamdır.
Energetika
12 İyun , 2018 19:32
Ukrayna prezidenti: Ölkəmiz TANAP-dan yararlanmaq üçün addımlar atacaq
0 : 00
0 : 00

Bakı. 12 iyun. REPORT.AZ/ "Trans Anadolu Təbii Qaz Boru Kəməri (TANAP) layihəsinin işə düşməsi  Azərbaycan, Türkiyə, Avropa İttifaqı ölkələri və Ukrayna üçün vacib bir məqamdır".

"Report" xəbər verir ki, bunu Eskişehirin Seyidqazi rayonunda (Türkiyə) keçirilən TANAP-ın I hissəsinin açılış mərasimində Ukrayna prezidenti Petro Poroşenko deyib.

O, layihənin enerji daşıyıcılarının və onların nəqletmə marşrutlarının şaxələndirilməsi istiqamətində vacib bir layihə olduğunu bildirib. 

P.Poroşenko əlavə edib ki, Cənub Qaz Dəhlizinin vacib bir hissəsi olan bu layihə iki böyük liderin - Türkiyə prezidenti Rəcəb Tayyib Ərdoğanın və Azərbaycan Prezidenti İlham Əliyevin səylərini birləşdirməsi hesabına həyata keçirilib və bununla da Avropa İttifaqının enerji təhlükəsizliyi təmin olunub: "Bu, Ukraynanın enerji daşıyıcılarının şaxələndirilməsi üçün də önəmlidir. Ukrayna bu layihəyə tam dəstək verir. Ölkəmiz bu layihədən yararlanmaq üçün addımlar atacaq".

Son xəbərlər

Orphus sistemi