Bakı dəmir yolu vağzalında Xalq yazıçısı Çingiz Abdullayevlə görüş keçirilib - VİDEO

"Azərbaycan Dəmir Yolları" QSC-nin (ADY) təşkilatçılığı ilə Bakı dəmir yolu vağzalında Xalq yazıçısı Çingiz Abdullayevlə görüş keçirilib.

"Report" xəbər verir ki, Bilik günündə baş tutan görüşdə Çingiz Abdullayev oxucuları ilə məktəb xatirələrini bölüşüb.

Daha sonra Xalq yazıçısı oxucularının və görüş iştirakçılarının suallarını cavablayıb. Görüşün davamında ADY-nin aldığı müəllifin 200-dən çox kitabı oxuculara yazıçının imzası ilə pulsuz paylanılıb.

Görüşdə qeyd olunub ki, məqsəd sərnişin stansiyalarını həm də şəhərin mədəni mərkəzi kimi inkişaf etdirməkdir.