Yuxarı
    Bağlamaq

    Serbiyada “Bakı-2015” Avropa Oyunları haqqında videoçarx nümayiş olunub

    Bu ölkənin Olimpiya Komitəsinin rəsmi saytında Bakıda keçiriləcək ilk Avropa Oyunları barədə məlumatlar yerləşdirilib

    Bakı. 13 dekabr. REPORT.AZ/ Serbiya parlamentinin binasında “Serbiya Olimpiya Komitəsi günü” münasibəti ilə keçirilmiş tədbirdə “Bakı-2015” Avropa Oyunları barədə videoçarx nümayiş olunub. “Report” “AzərTAc”a istinadən xəbər verir ki, hər il ənənəvi olaraq təşkil edilən tədbirdə Serbiya Prezidenti Tomislav Nikoliç ilə yanaşı, hökumət nümayəndələri, parlamentin üzvləri, bu ölkədə akkreditə olunmuş diplomatik nümayəndəliklərin təmsilçiləri iştirak ediblər.

    2014-cü il üçün ölkənin ən yaxşı idmançılarına Serbiya Olimpiya Komitəsinin xüsusi mükafatlarının təqdim olunduğu tədbirdə “Bakı 2015” Avropa Oyunlarını əks etdirən lövhə də asılıb. Tədbir Serbiya Dövlət Yayım Korporasiyası tərəfindən canlı yayımlanıb.

    Qeyd edək ki, Serbiya Olimpiya Komitəsinin rəsmi saytında Bakıda keçiriləcək ilk Avropa Oyunları barədə məlumatlar yerləşdirilib.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi