Yuxarı
    Bağlamaq

    Rusiyanın idman naziri: "I Avropa Oyunları çox yüksək səviyyədə təşkil edilib"

    Vitali Mutko Rusiya komandasının bu Oyunlarda uğur əldə edəcəyinə ümid edir

    Bakı. 12 iyun. REPORT.AZ/ Vitali Mutko Rusiya komandasının birinci Avropa Oyunlarında uğur əldə edəcəyinə ümid edir.

    "Report" xəbər verir ki, bu barədə Rusiyanın idman naziri bu gün jurnalistlərlə görüşü zamanı bildirib. 

    "Ümid edirəm ki, Rusiya yığması uğurlu çıxış edərək öz səviyyəsini təsdiqləyəcək", - V.Mutko deyib.

    O hesab edir ki, Avropa Oyunları maraqlı idman hadisəsi olacaq, çünki bir çox idman növlərini aparıcı idmançılar təmsil edəcək. 

    Nazir Bakının Avropa Oyunlarına hazırlıq səviyyəsini yüksək qiymətləndirib. "Mən bir neçə idman obyektində və Olimpiya kəndində oldum. Mənə elə gəlir ki, bizim həmkarlarımız şəhəri və Oyunları yüksək səviyyədə hazırlayıb", - V.Mutko vurğulayıb. 

    O bildirib ki, Rusiya növbəti Avropa Oyunlarını keçirmək məsələsini hələlik nəzərdən keçirmir. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi