​Pedro Roke: "Medal ümidlərimiz çoxdur"

Bakı. 24 iyun. REPORT.AZ/ Boks üzrə Azərbaycan yığmasının baş məşqçisi Pedro Roke jurnalistlərə açıqlama verib.

"Report"un məlumatına görə, o, "Bakı 2015" I Avropa Oyunlarında boks yarışının çox çətin olduğunu deyib: "İdmançılarımızı çoxdan bu yarışa hazırlayırıq. Medal ümidlərimiz çoxdur və onlar da istədiyimiz nəticəni verir. Əməyimizin bəhrəsini gördüyümüzü düşünürəm. Məhəmmədrəsul Məcidov indi özünü yaxşı hiss edir. Amma Boks Federasiyası belə qərara gəldi ki, onu Olimpiadaya hazırlayaq. O yarımfinal görüşünə çıxmayacaq".