Yuxarı
    Bağlamaq

    ​Bakıda keçiriləcək Avropa Oyunlarına Ermənistandan 25 idmançı gələcək

    Onlar altı idman növü üzrə mübarizə aparacaqlar

    Bakı. 26 may. REPORT.AZ/ İyun ayının 12-28 Azərbaycanda baş tutacaq I Avropa Oyunlarında iştirak etmək üçün Ermənistandan Bakıya 25 idmançı gələcək.

    "Report" "Azatutyun"a  istinadən xəbər verir ki, bu barədə bu gün Ermənistan Milli Olimpiya Komitəsinin baş katibi Qrachya Rostomyan bildirib.

    Ermənistan idmançıları altı idman növündə keçirilən yarışlarda iştirak edəcəklər.

    Onun sözlərinə görə, Bakıya güləşçilər - Olimpiya oyunlarının gümüş mükafatçlsı Arsen Culfalakyan və bürünc mükafatçısı Artur Aleksanyan getməyəcək. Rostomyan bu qərarın idmançıların özləri tərəfindən qəbul edildiyini deyib.

    Qrachya Rostomyan Bakıda olduqları zaman erməni idmançılarının təhlükəsizliyi məsələlərinin həll olunduğunu da bildirib. "Hazırda təhlükəsizliklə bağlı heç bir narahatlıq və ya digər problem yoxdur", - Ermənistan Milli Olimpiya Komitəsinin baş katibi vurğulayıb.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi