Yuxarı
    Bağlamaq

    "Bakı 2015"də velosiped idmanı üzrə şosse yarışının mükafatçıları müəyyənləşib - YENİLƏNİB

    Azərbaycan velosipedçisi Alyona Pavluxina 32-ci yeri tutub

    Bakı. 20 iyun. REPORT.AZ/ "Bakı 2015" I Avropa Oyunlarında velosiped idmanının şosse növü üzrə qadınların mübarizəsinə yekun vurulub. "Report"un məlumatına görə, 121 km-lik məsafənin yekununda finişə belaruslu Alyona Amialyusik hamıdan birinci çatıb.

    İkinci yeri polşalı Katarjina Nivyadoma tutub. Üçüncü yer isə hollandiyalı Anna van der Breggenə qismət olub. Hər 3 velosipedçi 3 saat 20 dəqiqə 36 saniyə nəticə göstərib.

    Azərbaycan təmsilçilərinə gəldikdə, Alyona Pavluxina 3 saat 25 dəqiqə 57 saniyə nəticə ilə 32-cü yeri tutub. Ülfət Nəzərli isə yürüşü yarımçıq tərk edən 16 velosipedçidən biri olub. 

    *** 12:05

    "Bakı 2015" I Avropa Oyunlarında velosiped idmanının şosse növü üzrə qadınların mübarizəsinə start verilib. "Report"un məlumatına görə, 67 idmançının iştirak edəcəyi yarışda Azərbaycanı 2 velosipedçi təmsil edəcək. 

    Bunlar Ülfət Nəzərli ilə Alyona Pavluxinadır. 

    Yürüşün start və finişi Hökumət evinin qarşısında olacaq. İdmançılar şəhərin mərkəzi küçələri ilə hərəkət edəcəklər. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi