Yuxarı
    Bağlamaq

    Azərbaycan millisinin "Bakı 2015"dəki bayraqdarı adına namizədlər müəyyənləşib

    Yekun qərarı Milli Olimpiya Komitəsinin rəhbərliyi verəcək

    Bakı. 9 iyun. REPORT.AZ/ Azərbaycan milli komandasının "Bakı 2015" I Avropa Oyunlarındakı bayraqdarı adına namizədlər açıqlanıb. Bu barədə "Report"a Gənclər və İdman Nazirliyinin idman şöbəsinin müdiri Mirkamil Rəhimov məlumat verib.

    M.Rəhimovun sözlərinə görə, bayraqdar 5 idmançı arasından seçiləcək. Bunlar sərbəst güləş üzrə Olimpiya çempionu Toğrul Əsgərov, Avropa və dünya çempionu Hacı Əliyev, cüdo üzrə dünya çempionu Elxan Məmmədov, son zamanlar keçirilən nüfuzlu yarışların qalibi Elmar Qasımov və boks üzrə Avropa çempionu, dünya və Olimpiya mükafatçısı Teymur Məmmədovdur. Nazirlik rəsmisi yekun qərarı Milli Olimpiya Komitəsi rəhbərliyinin verəcəyini vurğulayıb.

    Qeyd edək ki, Azərbaycan millisinin bayraqdarı iyunun 12-də Bakı Olimpiya Stadionunda keçiriləcək Açılış mərasimində komandanın önündə addımlayacaq. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi