Avropa Oyunları: Azərbaycanın çimərlik futbolu üzrə millisinin rəqibləri bəlli olub

Polşada keçiriləcək III Avropa Oyunlarında çimərlik futbolu üzrə yarışın püşkatma mərasimi keçirilib.

"Report" AFFA-nın rəsmi saytına istinadən xəbər verir ki, Azərbaycan millisi A qrupunda Polşa, Portuqaliya və İspaniya yığması ilə mübarizə aparacaq.

Qeyd edək ki, üçüncü dəfə təşkil olunacaq Avropa Oyunları ilk dəfə 2015-ci ildə Bakıda baş tutub. 21 iyun - 2 iyul aralığında təşkil olunacaq turnirdə 7000-dən çox idmançının iştirakı gözlənilir. Açılış mərasimi iyunun 21-də Krakovda olacaq.