Yardımlıda azot gübrəsinin güzəştli şərtlərlə səyyar satışı keçirilib

Kənd Təsərrüfatı Nazirliyi yanında "Aqrolizinq" ASC Yardımlının Sırıq kəndində gübrənin güzəştlə şərtlərlə səyyar satışını təşkil edib.

Nazirlikdən "Report"a verilən məlumata görə, vətəndaşlara 7 tona yaxın azot gübrəsi satılıb.

Şəki, Oğuz, Göyçay, Sabirabad, İsmayıllı, Astara, Biləsuvar, Saatlı, Kürdəmir, Xaçmaz, Siyəzən, Şəmkir, Qazax, Gədəbəy, Tovuz, Ağstafa, Qusar, Xızı, Samux, Qax, Zaqatala, Balakən, Masallı, Lerik, Göyçay, Şəki, Gədəbəy, Qəbələ, Şamaxı rayonlarının ardınca növbəti səyyar satış Yardımlının Sırıq kəndində baş tutub.

Qeyd edək ki, səyyar satış zamanı vətəndaşlar tələb olunan sənədləri təqdim etməklə 70% güzəştdən yararlanaraq mineral gübrəni əldə edə bilərlər.

Səyyar satışın həyata keçirilməsində əsas məqsəd gübrələrin alışı zamanı vətəndaşların sərf etdikləri zaman, məsafə itkisinin və əlavə məsrəflərin qarşısının alınması, həmçinin vətəndaşlara cəmiyyətin əlçatanlığını, yaxınlığını təmin edərək vətəndaş məmnuniyyətinə nail olmaqdır.