Salyanda 23,8 min tondan çox pambıq yığılıb

Salyan rayonunda 8 933 hektar pambıq sahəsində məhsul yığılıb.

Bu barədə “Report”un Aran bürosuna Salyan Dövlət Aqrar İnkişaf Mərkəzindən (DAİM) bildirilib.

Məlumata əsasən, cari təsərrüfat ilində rayonda 10 636 hektar sahədə pambıq əkilib.

Yığımın ilk günündən tarlalara 48 pambıqyığan maşın cəlb edilib. Builki mövsümdə havaların yağıntılı keçməsinə baxmayaraq, indiyədək rayon üzrə 23 848 ton məhsul tədarük məntəqələrinə təhvil verilib.

Hazırda tarlalarda pambıq yığımı davam edir.