Qoyun və keçilərdə çiçək xəstəliyinə qarşı peyvəndləmə tədbirləri davam etdirilir

ASK

29 may, 2018
13:46

Qoyun və keçilərdə çiçək xəstəliyinə qarşı peyvəndləmə tədbirləri davam etdirilir

agro.gov.az

Bakı. 29 may. REPORT.AZ/ Kənd Təsərrüfatı Nazirliyi tərəfindən təsdiq olunmuş epizootik tədbirlər planına uyğun olaraq, ölkə ərazisində iti yolucu xəstəliklərə, o cümlədən qoyun və keçilərin çiçək xəstəliyinə qarşı peyvəndləmə tədbirləri davam etdirilir.

"Report" xəbər verir ki, bu barədə Nazirlik yanında Dövlət Baytarlıq Nəzarəti Xidmətinin açıqlamasında bildirilir.

Məlumatda deyilir ki, 2018-ci ilin 4 ayı ərzində çiçək xəstəliyinə qarşı 1230606 baş davarda peyvəndləmə aparılıb. Hal-hazırda ölkə ərazisində bu xəstəliyə qarşı peyvəndləmə tədbirləri davam etdirilir. Tədbirin iyunun sonunda yekunlaşması nəzərdə tutulur.

Hazırda respublikada iti yoluxucu xəstəliklərə, o cümlədən çiçək xəstəliyinə görə epizootik vəziyyət sabitdir.