Bakı. 15 avqust. REPORT.AZ/ Bu ilin iyul ayında Azərbaycanda kənd təsərrüfatı məhsullarının istehsalçı qiymətləri iyun ayına nisbətən orta hesabla 0,3% çox olub.
Bu barədə "Report"a Dövlət Statistika Komitəsindən bildirilib.
Məlumatda deyilir ki, aylıq müqayisədə heyvandarlıq məhsullarının istehsalçı qiymətləri 1% artıb, bitkiçilik məhsullarının istehsalçı qiymətləri isə 0,4% azalıb. Balıq və sair balıqçılıq məhsullarının, meşə təsərrüfatı məhsullarının istehsalçı qiymətlərində isə dəyişiklik olmayıb.