Neftçalada bu mövsümdə 26 min tondan çox pambıq istehsal edilib

Neftçala rayonunda bu mövsümdə 26 min 161 ton pambıq istehsal edilib.

Bu barədə “Report”un Aran bürosuna rayon Kənd Təsərrüfatı Nazirliyi yanında Dövlət Aqrar İnkişaf Mərkəzindən (DAİM) məlumat verilib.

Bildirilib ki, taxıl, yonca biçinindən sonra şəxsi vəsaitləri hesabına pambıq əkən bəzi fermerlər tarlalarda məhsul yığımını hələ də davam etdirir.

Artıq pambıq tarlalarının 95 %-dən çox hissəsində məhsul pambıqyığan maşınlarla toplanılıb. İndiyə qədər hər hektardan 32,5 sentner məhsul götürülüb.

Ötən il rayonda 8 min hektar sahədə pambıq əkilib.