Nazirlik: Azərbaycanda örüş sahələri azdır

Bakı. 10 aprel. REPORT.AZ/ "Hazırda Azərbaycanda örüş sahələri kifayət qədər deyil".

Bunu "Report"a açıqlamasında Kənd Təsərrüfatı Nazirliyinin heyvandarlığın inkişafı şöbəsinin müdiri Qalib Əbdüləliyev deyib.

"Örüş sahələri daha çox qoyunçuluq üçün lazımdır. Hazırda örüş sahələrinin böyük bir qismi işğal altındadır. Lakin mütərəqqi dünya təcrübəsindən istifadə etməklə, intensiv və yarım intensiv heyvandarlığın təşkili sahəsində işlər aparılır. Bu isə az örüşdən istifadə etməklə yem təminatını yaxşılaşdırmağa imkan verəcək", - o qeyd edib.