Məcnun Məmmədov Samuxda vətəndaşları qəbul edəcək

Azərbaycan kənd təsərrüfatı naziri Məcnun Məmmədov oktyabrın 27-də, saat 09:00-da Samux Dövlət Aqrar İnkişaf Mərkəzinin inzibati binasında Samux və Şəmkir rayonlarından olan vətəndaşları qəbul edəcək.

Bu barədə "Report" Kənd Təsərrüfatı Nazirliyinə istinadən xəbər verir.

Qəbul zamanı vətəndaşların Kənd Təsərrüfatı Nazirliyinin səlahiyyət dairəsinə aid məsələlərlə bağlı müraciətləri cavablandırılacaq, müraciətlərdə əksini tapan məsələlərin həlli ilə əlaqədar tədbirlər görüləcək.

Vətəndaş qəbulunda iştirak etmək istəyənlər Samux Dövlət Aqrar İnkişaf Mərkəzinə (055-313-36-66) müraciət edə bilərlər.

Qəbula yazılmaq üçün, həmçinin Kənd Təsərrüfatı Nazirliyinin “Çağrı Mərkəzi”nə zəng etməklə (1652) qeydiyyatdan keçmək olar.

Qəbula gələn vətəndaşlar şəxsiyyətlərini təsdiq edən sənədləri özləri ilə gətirməlidirlər.