Naxçıvanın aqrar sektoru 4 %-dək böyüyüb

Bu ilin yanvar-oktyabr aylarında Naxçıvan Muxtar Respublikanda 475 milyon 517,5 min manatlıq kənd təsərrüfatı məhsulları istehsal olunub.

Bu barədə “Report”a yerli Statistika Komitəsindən məlumat verilib.

Bildirilib ki, bu, 2021-ci ilin müvafiq dövrü ilə müqayisədə 3,8 % çoxdur.

Bu dövr ərzində diri çəkidə ət istehsalı 23 122 ton, süd istehsalı 81 908 ton olub. 2021-ci ilin müvafiq dövrü ilə müqayisədə ət istehsalı 6,7 %, süd istehsalı isə 1,4 % artıb.

Bu ilin yanvar-oktyabr aylarında Azərbaycanda 9 milyard 728,7 milyon manat dəyərində kənd təsərrüfatı məhsulları istehsal edilib. Bu, ötən ilin eyni dövrü ilə müqayisədə 3,2 % çoxdur.

2021-ci ilin müvafiq dövrü ilə müqayisədə cari ilin yanvar-oktyabr aylarında ölkədə quş əti də daxil olmaqla diri çəkidə ət istehsalı 2,9 % artaraq 470,8 min ton, süd istehsalı 1,6 % artaraq 1 milyon 837,6 min ton təşkil edib.

Son 1 ildə ölkədə istehsal olunmuş bitkiçilik məhsullarının dəyəri 3,2 % artaraq 5 milyard 304,2 milyon manata, heyvandarlıq məhsullarının dəyəri isə 3,1 % artaraq 4 milyard 424,5 milyon manata çatıb.