Naxçıvanda heyvanlar və heyvan xəstəlikləri barədə məlumat bankı yaradılacaq

Naxçıvan Muxtar Respublikasında heyvanların baş sayı, keçirdiyi xəstəliklər, aparılmış peyvəndləmə tədbirləri, birkalanmış heyvanlar və aid olduğu sahibkar haqqında məlumat bankının yaradılması nəzərdə tutulur. 

"Report" xəbər verir ki, bu məsələ Naxçıvan Ali Məclisinin Sədri Vasif Talıbovun bu gün təsdiq etdiyi “2020-2025-ci illərdə Naxçıvan Muxtar Respublikasında baytarlıq təbabətinin inkişafı üzrə Dövlət Proqramı”nda öz əksini tapıb.

Dövlət proqramında icraçı tərəf olaraq Naxçıvan Kənd Təsərrüfatı Nazirliyi və onun Dövlət Baytarlıq Xidməti göstərilir.