Millət vəkili fermerlərin əkib-becərdikləri meyvə-tərəvəzin satış problemlərindən danışıb

"İnsanlar meyvə-tərəvəz əkib becərir. Amma onların əkib-becərdikləri meyvə-tərəvəzin satış problemləri var".

“Report”un xəbərinə görə, bunu Milli Məclisin deputatı Rüfət Quliyev parlamentin bu gün keçirilən plenar iclasında “Dövlət Sosial Müdafiə Fondunun 2022-ci il büdcəsi haqqında” qanun layihəsinin birinci oxunuşda müzakirəsi zamanı deyib.

Onun sözlərinə görə, Azərbaycanda Aqrar Təchizat və Tədarük adında qurum var: “Əslində bu qurum fermerlərin məhsullarının almalıdır və onları bir növ işlə təmin etməlidir. Niyə bu qurum regionlarda insanlarla işləmir? Ən azı cənub bölgəsində, Lənkəranda, bu, belədir”.

Deputat qeyd edib ki, insanları işə cəlb etmək, onlarla işləmək lazımdır.