Marneulinin 10 kəndindən 200 ton kənd təsərrüfatı məhsulu alınıb

“Ötən gün Marneulinin 10 kəndindən 200 tona yaxın müxtəlif kənd təsərrüfatı məhsulu alınıb”.

“Report”un yerli bürosu xəbər verir ki, bunu rayonun icra başçısı Zaur Darğallı bildirib.

O deyib ki, bu gün kənd sakinlərindən daha 100 ton məhsulun alınması planlaşdırılıb.

Z.Darğallı qeyd edib ki, ötən gün məhsulların yük maşınlarına yüklənməsi prosesində sosial məsafə təmin olunmayıb: “Bu gün tövsiyələrə maksimal şəkildə riayət olunması təmin ediləcək”.