Lüksemburqdan Azərbaycana qoz tədarükü bərpa edilib

Bu ilin yanvar-iyul aylarında Azərbaycana xaricdən 30,66 min ABŞ dolları dəyərində 2,81 ton qoz gətirilib.

“Report”un Dövlət Statistika Komitəsinin məlumatları əsasında apardığı hesablamalara əsasən, bu, ötən ilin eyni dövrü ilə müqayisədə dəyər ifadəsində 2,1 dəfə, kəmiyyət olaraq – 87,3 % çoxdur.

Hesabat dövründə Hindistandan 30,23 min ABŞ dolları dəyərində (bir il əvvəlki göstəricidən 3,3 dəfə çoxdur) 2,77 ton (+3,2 dəfə), Türkiyədən 0,22 min ABŞ dolları dəyərində (-42,1 %) 0,03 ton (dəyişməyib), Lüksemburqdan 0,16 min ABŞ dolları dəyərində 0,01 ton və İndoneziyadan 0,06 min ABŞ dolları dəyərində 0,01 ton (bir il əvvəl tədarük olmayıb) məhsul alınıb.

İki il 2 aylıq aradan sonra Lüksemburqdan tədarük bərpa edilib.