​Kommersiya naziri Qao Xuçen: "Çin Rusiyanın meyvə-tərəvəzə olan tələbatını tam ödəməyə hazırdır"

Bakı. 24 sentyabr.REPORT.AZ/ Çin Rusiyanın meyvə-tərəvəzə olan tələbatını tam ödəməyə hazır olduğunu bildirib. "Report"un verdiyi məlumata görə, bunu Çinin kommersiya naziri Qao Xuçen açıqlamasında bildirib.

"Çinin Şandonq əyaləti kök, zəncəfil, sarımsaq, bibər, noxud, balqabaq, pomidor, xiyar və s. kimi tərəvəzlərlə yanaşı şaftalı, armud, qreyfrut və qarpız kimi meyvə və giləmeyvələri Rusiya bazarına çıxarmağa hazırdır", - deyə nazir vurğulayıb.

Qeyd edək ki, hazırda Şandonq əyalətinin rəsmi nümayəndə heyəti Çin mallarının kefyyətini təsdiq etmək məqsədi ilə Rusiyada kənd təsərrüfatı sənaye dərnəklərinin nümayəndələri ilə görüşlər keçirir.

Məlumat üçün bildirək ki, hazırda əyalətdə illik olaraq 141 mlrd. ABŞ dolları həcmində kənd təsərrüfatı məhsulları istehsal olunur. Kənd təsərrüfatı sahəsində Rusiya ilə Çin arasında ticarət dövriyyəsi isə 20 mlrd. dollar səviyyəsindədir.