Kənd Təsərrüfatı Nazirliyi Prezidentin ötən gün imzaladığı fərmana münasibət bildirib

Kənd Təsərrüfatı Nazirliyi Prezidentin ötən gün imzaladığı fərmana münasibət bildirib Bakı. 15 dekabr. REPORT.AZ/ Kənd Təsərrüfatı Nazirliyi (KTN) “Ərzaq Məhsullarının Tədarükü və Təchizatı” ASC-nin ləğv edilməsi və Nazirliyin tabeliyində “Aqrar tədarük və təchizat” ASC-nin yaradılması ilə bağlı Prezident İlham Əliyevin ötən gün imzaladığı fərmana münasibət bildirib.
ASK
5616
15 Dekabr , 2018 13:00
Kənd Təsərrüfatı Nazirliyi Prezidentin ötən gün imzaladığı fərmana münasibət bildirib

Bakı. 15 dekabr. REPORT.AZ/ Kənd Təsərrüfatı Nazirliyi (KTN) “Ərzaq Məhsullarının Tədarükü və Təchizatı” ASC-nin ləğv edilməsi və Nazirliyin tabeliyində “Aqrar tədarük və təchizat” ASC-nin yaradılması ilə bağlı Prezident İlham Əliyevin ötən gün imzaladığı fərmana münasibət bildirib.

KTN-in İctimaiyyətlə əlaqələr və informasiya təminatı şöbəsinin müdir müavini Vüqar Hüseynov “Report”a bildirib ki, təmsil etdiyi qurumun tabeliyində yeni səhmdar cəmiyyətin yaradılması zərurəti sözügedən fərmanın preambula hissəsində öz əksini tapıb.

“Ölkədə dövlət sifarişi ilə kənd təsərrüfatı və ərzaq məhsullarının satın alınması həyata keçirilir və ləğv olunan “Ərzaq Tədarükü və Təchizatı” ASC-nin əsas funksiyalarından biri də bu olub. Dövlət müəssisə və təşkilatları tərəfindən ərzaq məhsullarının dövlət büdcəsinin vəsaitləri hesabına satın alınması qaydalarında bu işin mərkəzləşdirilmiş qaydada həyata keçirilməsi əks olunub. Yeni yaradılan Cəmiyyətin əsas funksiyalarından biri bu işi daha sistemli şəkildə qurmaq olacaq”, - deyə o qeyd edib.

V.Hüseynov əlavə edib ki, “Aqrar tədarük və təchizat” ASC ləğv edilmiş “Ərzaq məhsullarının tədarükü və təchizatı” ASC-nin hüquqi varisidir və fərmana uyğun olaraq, Nazirlər Kabineti ləğv edilən qurumun balansında olan dövlət əmlakını inventarizasiyasını və qiymətləndirməsini başa çatdırdıqdan sonra iki ay ərzində yeni qurumun balansına verəcək.

Son xəbərlər

Orphus sistemi