Göyçayda XV Nar festivalı keçirilir

Göyçay rayonunda XV Nar festivalı keçirilir.

"Report"un Yuxarı Şirvan bürosunun məlumatına görə, Göyçay Rayon İcra Hakimiyyətinin təşkilatçılığı ilə 4 illik fasilədən sonra yenidən keçirilən festivalda rayonun 30-a yaxın kəndinin nar və nar məhsullarından ibarət sərgi təşkil olunub.

Ölkənin hər yerindən minlərlə insanın iştirak etdiyi tədbirdə narla bağlı müxtəlif sərgilər, yarış və müsabiqələr təşkil olunub. Festival iştirakçılarına müxtəlif növdən olan dadlı narlar və onlardan hazırlanan çoxlu çeşiddə məhsullar təqdim olunub.

Bu gün saat 16:00-da Nar festivalı çərçivəsində konsert proqramı olacaq. Nar bayramı sabah da davam edəcək.