Dövlət Baytarlıq Nəzarəti Xidməti bu gün gücləndirilmiş rejimdə işləyir

Bakı. 1 sentyabr. REPORT.AZ/ Kənd Təsərrüfatı Nazirliyi Dövlət Baytarlıq Nəzarət Xidməti bu gün gücləndirilmiş rejimdə fəaliyyət göstərir.

"Report"un məlumatına görə, bu barədə kənd təsərrüfatı nazirinin müavini İlham Quliyev məlumat verib.

"Bu məqsədlə Bakıda 30-a yaxın xüsusi yerlər ayrılıb. Onlardan 10-u kəsim məntəqəsidir. Hər kəsi qurbanlıq heyvanların kəsimini o məntəqələrdə həyata keçirməyə dəvət edirik. Antisanitariya şəraitində heyvan kəsimi həyata keçirən şəxslərə qarşı tədbirlər görüləcək", - İ.Quliyev deyib.

Qeyd edək ki, Xətai rayonunda ("Nargilə" kafesi yanında) təşkil olunan satış yarmarkasının ətrafında icazəsiz heyvan kəsimi həyata keçirən iki şəxsə qarşı akt tərtib olunub.