Cəlilabadda taxıl sahələri 700 hektara yaxın artıb

Cəlilabad rayonunda bu il taxıl əkilən sahələr 700 hektara yaxın artıb.

"Report"un Muğan bürosunun məlumatına görə, cari il rayonda 66 min 230 hektar taxıl əkininin 56 min 580 hektarını buğda, 9 min 650 hektarını isə arpa sahələri təşkil edir.

Hazırda təsərrüfatlarda arpa biçini aparılır. Rayonda biçin kampaniyasının mütəşəkkil qaydada aparılması üçün 80-ə yaxın taxıl biçən kombayn sahələrə cəlb olunub.

Qeyd edək ki, 66 min 230 hektar taxıl sahəsinin 6 min 600 hektarı suvarılan, qalanı isə dəmyə torpaqlardır.