Bu il Naxçıvanın aqrar sektoru 4 % böyüyüb

Bu ilin yanvar-noyabr aylarında Naxçıvan Muxtar Respublikasında 483 milyon 441 min manatlıq kənd təsərrüfatı məhsulları istehsal olunub.

Bu barədə “Report” yerli Dövlət Statistika Komitəsinə istinadən xəbər verir.

Bildirilir ki, bu, 2020-ci ilin müvafiq dövrü ilə müqayisədə 4 % çoxdur.

Bu dövr ərzində diri çəkidə ət istehsalı 25 min 085 ton, süd istehsalı 84 min 432 ton olub. 2020-ci ilin müvafiq dövrü ilə müqayisədə ət istehsalı 3,7 %, süd istehsalı isə 1,6 % artıb.