Bu il Azərbaycanda 182 min ton şəkər çuğunduru tədarük edilməsi gözlənilir

Bu il Azərbaycanda 5 214 hektar ərazində şəkər çuğundurun əkilib.

“Report” bu barədə Kənd Təsərrüfatı Nazirliyinə istinadən xəbər verir.

Məlumata görə, avqust ayından bu günə qədər 4 250 hektar sahədə məhsul yığımı başa çatıb və 147 453 ton şəkər çuğunduru tədarük edilib. Orta məhsuldarlıq göstəricisi 34,7 t/ha, şəkərlilik göstəricisi 14,65 % təşkil edib. Yığım prosesi tam başa çatdıqdan sonra ümumi istehsalın 182 000 ton təşkil edəcəyi gözlənilir.