Göyçayda “Bizim KəndimİZ” layihəsinə start verilib

Göyçayda “Bizim KəndimİZ” layihəsinə start verilib Göyçayda gənclər “Bizim KəndimİZ” adlı yeni təşəbbüs həyata keçiriblər.
ASK
782
23 İyul , 2020 19:27
Göyçayda “Bizim KəndimİZ” layihəsinə start verilib

Göyçay rayonunda gənclər “Bizim KəndimİZ” adlı yeni təşəbbüs həyata keçiriblər.

”Report”un Yuxarı Şirvan bürosu xəbər verir ki, Gənclərin İnkişaf Karyera Mərkəzinin Göyçay nümayəndəliyi “Bizim KəndimİZ” adlı yeni təşəbbüsə start verib.

Layihə çərçivəsində gənclər Göyçay rayonunun Qarayazı kəndinə səfər edərək orada meyvə bağları, əkin sahələri, göl, heyvandarlıq təsərrüfatı və dağüstü otlaq sahələri ilə yaxından tanış olub, bir çox kənd təsərrüfatı işlərində əyani olaraq iştirak ediblər.

Layihə müddəti ərzində gənclər karantin rejimi qaydalarına tam əməl edərək qoruyucu vasitələrdən istifadə ediblər.

“Bizim KəndimİZ” layihəsinin məqsədi gəncləri kənd həyatı ilə yaxından tanış etmək, əməyə qarşı maraqlarını artırmaq və bu sahədə yeni təcrübələrə yiyələnmələrinə şərait yaratmaqdır.

Bununla yanaşı, bu layihə kəndlərin tanıdılmasına və ölkəmizdə kənd turizminin təbliğinə dəstək olamaq məqsədi ilə həyata keçirilir. Layihənin mütəmadi olaraq digər kəndlərdə də davam etdiriləcəyi düşünülür.

Son xəbərlər

Orphus sistemi