Biləsuvarda arpa əkini başlayıb

Biləsuvar rayonunda arpa əkininə başlanılıb.

"Report"un Muğan bürosunun məlumatına görə, rayon üzrə gələn ilin məhsulu üçün 32 min hektarda arpa və buğda əkilməsi nəzərdə tutulur.

İndiyə qədər 5 min hektar sahəyə arpa toxumu səpilib. Əkin işlərinə 204 şum traktoru, 86 toxumsəpən aqreqat, 87 mala və 116 kotan cəlb edilib.

Qeyd edək ki, cari əkin mövsümündə rayon ərazisində 34 574,1 hektar sahədə dənli bitkilər becərilib.