Azərbaycanın pomidor ixracından qazancı 7 % azalıb

Bu ilin yanvar-aprel aylarında Azərbaycan 54,2 milyon ABŞ dolları dəyərində pomidor ixrac edib.

“Report”un məlumatına görə, bu barədə İqtisadi İslahatların Təhlili və Kommunikasiya Mərkəzinin “İxrac İcmalı”nın may sayında bildirilir.

İcmala əsasən, bu, 2022-ci ilin 4 ayı ilə müqayisədə 4 milyon ABŞ dolları və ya 6,9 % azdır.

Bu ilin aprel ayında Azərbaycan 23 milyon ABŞ dolları dəyərində tomat (pomidor) ixrac edib. Bu, 2022-ci ilin eyni ayı ilə müqayisədə 3,6 milyon ABŞ dolları və ya 18,6 % çoxdur.

Qeyd edək ki, 4 ayda Azərbaycanın ümumi ixracı 12,6 milyard ABŞ dolları, qeyri-neft sektoru üzrə ixrac 1,2 milyard ABŞ dolları təşkil edib.