Azərbaycanın pomidor ixracından gəliri 20 %-dək azalıb

Bu ilin mart ayında Azərbaycan 12,1 milyon ABŞ dolları dəyərində tomat (pomidor) ixrac edib.

“Report”un məlumatına görə, bu barədə İqtisadi İslahatların Təhlili və Kommunikasiya Mərkəzinin “İxrac İcmalı”nın aprel sayında bildirilir.

Sənədə əsasən, bu, 2022-ci ilin mart ayı ilə müqayisədə 2,2 milyon ABŞ dolları və ya 15,4 % azdır.

Bu ilin yanvar-mart ayları ərzində Azərbaycan 31,2 milyon ABŞ dolları dəyərində tomat (pomidor) ixrac edib ki, bu da 2022-ci ilin 3 aylıq göstəriciləri ilə müqayisədə 7,6 milyon ABŞ dolları və ya 19,6 % azdır.

Qeyd edək ki, bu ilin yanvar-mart aylarında Azərbaycanın ümumi ixracı 7,7 milyard ABŞ dolları, qeyri-neft sektoru üzrə ixrac 912,2 milyon ABŞ dolları təşkil edib.