Azərbaycanın meşə fındığı ixracından gəliri 6 %-dən çox artıb

Bu ilin oktyabr ayında Azərbaycan 9,6 milyon ABŞ dolları dəyərində meşə fındığı ixrac edib.

“Report”un məlumatına görə, bu barədə İqtisadi İslahatların Təhlili və Kommunikasiya Mərkəzinin “İxrac İcmalı”nın noyabr sayında bildirilir.

Sənədə əsasən, bu, 2021-ci ilin oktyabr ayı ilə müqayisədə 10,1 milyon ABŞ dolalrı və ya 2,05 dəfə azdır.

2022-ci ilin yanvar-oktyabr ayları ərzində Azərbaycan 80,3 milyon ABŞ dolları dəyərində meşə fındığı ixrac edib ki, bu da 2021-ci ilin 10 aylıq göstərəciləri ilə müqayisədə 4,7 milyon ABŞ dolları və ya 6,2 % çoxdur.

2022-ci ilin yanvar-oktyabr aylarında Azərbaycanın ümumi ixracı 34,7 milyard ABŞ dolları, qeyri-neft sektoru üzrə ixrac 2,4 milyard ABŞ dolları təşkil edib.