Azərbaycanın daha 5 müəssisəsinə Rusiyaya alma ixrac etməyə icazə verilib

Rusiyanın Baytarlıq və Fitosanitar Nəzarət üzrə Federal Xidməti (“Rosselxoznadzor”) Azərbaycanın daha 5 müəssisəsinə ölkəyə alma ixrac etməyə icazə verib.

“Report” xəbər verir ki, bu barədə "Rosselxoznadzor" məlumat yayıb.

Məlumatda deyilir ki, bu qərar fitosanitar monitorinqinin təhlilinin nəticələrinə əsasən, həmçinin Azərbaycannın Qida Təhlükəsizliyi Agentliyinin zəmanəti ilə qəbul edilib. Həmin sahibkarlıq subyektləri Bakının Binəqədi rayonunda fəaliyyət göstərən "CTC Holdinq" MMC, Xətai rayonunda fəaliyyət göstərən "Ay Agro" MMC, Quba rayonunda fəaliyyət göstərən “Eа-Fruits" MMC, Saleh Cəfər oğlu Ərəbov və Şaulova Lyudmila İsayevnadır.

Bununla da, Azərbaycandan Rusiyaya alma ixrac etməyə icazə verilmiş müəssisələrin sayı 70-ə çatıb.