Azərbaycanda yanvar ayında istehsal edilən tərəvəz və ətin miqdarı açıqlanıb

Bakı. 17 fevral. REPORT.AZ/ Azərbaycanda kənd təsərrüfatında yaz-tarla işlərinə hazırlıqla yanaşı, bu ilin yanvar ayında diri çəkidə 38,1 min ton ət, 150,2 min ton süd, 145,4 mln. ədəd yumurta, 6,0 min ton tərəvəz istehsal olunub. 

Dövlət Statistika Komitəsindən "Report"a daxil olan məlumata görə, 2016-cı ilin yanvar ayı ilə müqayisədə ət istehsalı 3,4%, süd istehsalı 2,0%, yumurta istehsalı 2,9%, tərəvəz istehsalı 1,9 dəfə artıb.

"Kənd təsərrüfatının ümumi məhsulu 3,5%, o cümlədən bitkiçilik məhsulları istehsalı 33,2%, heyvandarlıq məhsulları istehsalı 2,9% artıb", - komitənin məlumatında deyilir.