Yuxarı
    Bağlamaq

    Azərbaycanda ​Xəzər sahilində 500 ha əraziyə Asiya çəyirtkələrinə qarşı dərman çilənib

    Yaxın günlərdə mübarizə tədbirləri başa çatdırılacaq

    Bakı. 17 iyul. REPORT.AZ/ Abşeron yarımadasının Xəzər dənizinə yaxın ərazilərində Asiya çəyirtkəsinin miqrasiyası ilə bağlı Dövlət Fitosanitar Nəzarəti Xidməti tərəfindən məqsədli monitorinq və mübarizə tədbirləri davam etdirilir.

    Dövlət Xidmətindən "Report"a verilən məlumata görə, mübarizə tədbirlərinin aparılmasında xüsusi təyinatlı avtomobillərin üzərində quraşdırılmış İtaliya istehsallı “Spray Team Skout 28S 300” markalı avtonom çiləyici və İngiltərə istehsallı “AU 811S5M” markalı ultrakiçik həcmli çiləyicilərdən istifadə olunur. Bu da mübarizə tədbirlərinin çevikliyini və keyfiyyətini xeyli artırır.

    Asiya çəyirtkəsinin müşahidə olunduğu ərazilərdə kənd təsərrüfatı əkinləri olmadığı üçün onların ciddi zərər vurması gözlənilmir. Bu növün əsasən qamışlı bataqlıq ərazilərdə yumurta qoyması nəzərə alınaraq, gələcəkdə zərərvericinin inkişafının qarşısının alınması məqsədi ilə belə sahələrdə mübarizə tədbirləri ilk növbədə aparılır.

    Xidmətin tabeli qurumları tərəfindən qısa müddətdə Novxanı, Fatmayi, Goradil, Pirşağı, Nardaran, Bilgəh, Buzovna, Mərdəkan, Şüvəlan kəndlərinin və Sumqayıt şəhərinin ərazilərində və vətəndaşlara məxsus bağ sahələrində аrtıq 500 hektardan çox sahədə mübarizə tədbirləri həyata keçirilib.

    Yaxın günlərdə mübarizə tədbirləri başa çatdırılacaq.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi