Bakı. 14 mart. REPORT.AZ/ Bu il Azərbaycanda 140 min hektara yaxın ərazidə pambıq əkini nəzərdə tutulub.
Bunu "Report"a Kənd Təsərrüfatı Nazirliyi bitkiçilik şöbəsinin müdiri İmran Cümşüdov deyib.
Onun sözlərinə görə, bu, ötən illə müqayisədə, təqribən, 17% çoxdur.
"Hazırlıq işləri gedir. Şirkətlərlə müqavilələr bağlanılıb. Toxum, gübrə tədarük edilib, texnika var. Bu il keyfiyyətli məhsulun əldə edilməsi gözlənilir", - o əlavə edib.