Yuxarı

Azərbaycanda baytarlıq xidmətlərini həyata keçirən müəssisələrin özəlləşdirilməsinə icazə veriləcək

Qanun layihəsi müzakirələrdən sonra qəbul edilib

Bakı. 28 noyabr. REPORT.AZ/ Azərbaycanda baytarlıq xidmətlərini həyata keçirən idarə və müəssisələrin özəlləşdirilməsinə icazə veriləcək. "Report" xəbər verir ki, bununla bağlı Milli Məclisin bugünkü iclasında “Dövlət əmlakının özəlləşdirilməsi haqqında” qanuna dəyişikliklər müzakirə olunub.

Dəyişiklik layihəsi barədə məlumat verən parlamentin İqtisadi siyasət komitəsinin sədri Ziyad Səmədzadə bildirib ki, hazırkı qanuna görə, baytarlıq xidmətləri orqanları özəlləşdirilməsi qadağan olunan dövlət mülkiyyətində saxlanılan dövlət əmlaklarıdır. Yeni layihədə isə baytarlıq xidməti orqanları özəlləşdirilməsi qadağan olunan dövlət əmlaklarının siyahısından çıxarılıb.

Qanuna edilən dəyişikliklərdə məqsəd “Aqrar sahədə idarəetmənin təkmilləşdirilməsi və institusional islahatların sürətləndirilməsi ilə bağlı tədbirlər haqqında” Azərbaycan Prezidentinin 2014-cü il 16 aprel tarixli fərmanının müvafiq bəndinin icarısını təmin etməkdir. Fərmanda qeyd edilir ki, “Dövlət əmlakının özəlləşdirilməsi haqqında” qanunda baytarlıq xidmətlərini həyata keçirən idarə və müəssisələrin özəlləşdirilməsinə yol verilməsi ilə bağlı təkliflər hazırlansın.

Qanun layihəsi müzakirələrdən sonra qəbul edilib.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi