Azərbaycan Türkiyədən soya yağının idxalını kəskin artırıb

Bu ilin yanvar-aprel aylarında Azərbaycan xaricdən 1,02 milyon ABŞ dolları dəyərində 979,38 ton soya yağı alıb.

“Report”un Dövlət Statistika Komitəsinin məlumatları əsasında apardığı hesablamalarına əsasən, bu, 2023-cü ilin eyni dövrünün göstəricisindən dəyər ifadəsində 26 %, kəmiyyət olaraq – 18 % azdır.

Hesabat dövründə Azərbaycan Rusiyadan 940,74 min ABŞ dolları dəyərində (bir il əvvəlki göstəricidən 30 % azdır) 909 ton (-23 %) və Türkiyədən 77 min ABŞ dolları dəyərində (+67 %) 70 ton (+3 dəfə) məhsul gətirib.

2023-cü ildə Azərbaycana Türkiyə və Rusiyadan idxal edilmiş 1 min 863 ton soya yağının 90,8 %-i Rusiyanın payına düşüb.