Azərbaycan Türkiyədən quru meyvə idxalına çəkdiyi xərci 5 % artırıb

Bu ilin yanvar-oktyabr aylarında Azərbaycan Türkiyədən 5,908 milyon ABŞ dolları dəyərində quru meyvə və məhsulları idxal edib.

“Report” xəbər verir ki, bu barədə Türkiyə İxracatçılar Məclisinin (TİM) hesabatında deyilir.

Məlumata görə, bu, ötən ilin eyni dövrü ilə müqayisədə 4,9 % çoxdur.

Təkcə bu ilin oktyabr ayında isə Türkiyə Azərbaycana 0,845 milyon ABŞ dollarlıq quru meyvə və məhsulları ixrac edib ki, bu da, illik müqayisədə 20,6 % azdır.

Bu ilin ilk 10 ayında Türkiyənin ümumi quru meyvə və məhsulları ixracının dəyəri illik müqayisədə 3 % artaraq 1,26 milyard ABŞ dollarına, oktyabr ayında isə quru meyvə və məhsulları ixracının dəyəri 8,5 % azalaraq 177,974 milyon ABŞ dollarına çatıb.