Azərbaycan Türkiyədən meyvə və tərəvəz məhsulları idxalına çəkdiyi xərci 20 % artırıb

Bu ilin yanvar-iyul aylarında Azərbaycan Türkiyədən 13,464 milyon ABŞ dolları dəyərində meyvə və tərəvəz məhsulları idxal edib.

“Report” Türkiyə İxracatçılar Məclisinə istinadən xəbər verir ki, bu, 2023-cü ilin eyni dövrü ilə müqayisədə 19,9 % çoxdur.

Təkcə iyulda Türkiyə Azərbaycana 2,502 milyon ABŞ dollarlıq meyvə və tərəvəz məhsulları ixrac edib ki, bu da 1 il əvvələ nisbətən 43,1 % çoxdur.

Hesabat dövründə Türkiyənin meyvə və tərəvəz məhsulları ixracının ümumi dəyəri illik müqayisədə 20,4 % artaraq 1,515 milyard ABŞ dollarına, iyulda isə 21,8 % artaraq 226 milyon ABŞ dollarına çatıb.