Azərbaycan Stavropolun ən böyük un idxalçısı olub

Rusiyanın Baytarlıq və Fitosanitar Nəzarət üzrə Federal Xidmətinin ("Rosselxoznadzor") Şimali Qafqaz Regionlararası İdarəsi, bu ilin əvvəlindən Stavropoldan ixrac edilən 9,115 min ton una nəzarət edib.

"Report" bu barədə "Rosselxoznadzor"a istinadən xəbər verir.

Məlumata görə, bu, əvvəlki ilin eyni dövrü ilə müqayisədə 13 % çoxdur.

Hesabat dövründə Stavropolun ən böyük un idxalçısı Azərbaycan (3,086 min ton) olub. Onu Ermənistan (1,724 min ton) və Gürcüstan (1,281 min ton) izləyib. Bundan başqa, Əfqanıstana 767,5 ton, Türkmənistana 405,6 ton un göndərilib.