Azərbaycan Stavropolun 4-cü böyük quş əti idxalçısı olub

Bu ilin əvvəlindən Azərbaycan Rusiyanın Stavropol diyarından 1 151 ton quş əti idxal edib.

"Report" bu barədə Rusiyanın Baytarlıq və Fitosanitar Nəzarət üzrə Federal Xidmətinə ("Rosselxoznadzor") istinadən xəbər verir.

Məlumata görə, Azərbaycanın Stavropolun ümumi quş əti ixracındakı payı 4,5 % təşkil edib. Bununla da, Azərbaycan regionun 4-cü böyük quş əti idxalçısı olub.

Bu il Stavropoldan ümumilikdə 25,8 min ton quş əti və əlavələri idxal edilib. Hesabat dövründə ən böyük ixrac partiyaları Səudiyyə Ərəbistanına (11 683 ton), Çinə (6 013 ton) və Vyetnama (1 416 ton) göndərilib.